Thursday, January 16, 2014

కాసనోవ, జనవరి 17


ఒక తూనీగ ఎగురుతూ వచ్చి
నా చూపుడు వేలుపై
అక్షరాల పుప్పొడి రాల్చింది
దేశపు పూవో
ఎన్ని యోజనాలు ఎగురుతూ వచ్చిందో
ఒక మందపవనం
నా ఊపిరిలో కలిసి
గుసగుసల పరిమళాన్ని విరజిమ్మింది
అత్తరు సుగంధమో
కనుమల నుంచి మోసుకుని వచ్చిందో
ఒక నీలిమేఘం
నా వక్షం మీద
చందనపు తుంపర చల్లింది
ఏ అరణ్యాకాశాల నుంచి
పలకరింపులను చిలకరించిందో
పుప్పొడి పరిమళాల తుంపరలో
ఇప్పుడు నేను తలమునకలై పోయాను